مظفر آباد(پ۔ر)27اکتوبر2020 27اکتوبر47ء برصغیر کی تاریخ کا بدترین اور سیاہ ترین دن ہے

مظفر آباد(پ۔ر)27اکتوبر2020 27اکتوبر47ء برصغیر کی تاریخ  کا بدترین اور سیاہ ترین دن ہے،ایک آزاد قوم کو طاقت کے بل پر محکوم بنا دیا گیا،عالمی اداروں کی بے بسی انتہائی افسوسناک۔ان خیالات کا اظہار حزب سربراہ اور متحدہ جہاد کونسل کے چیر مین سید صلاح الدین نے متحدہ جہاد کونسل کے ایک اعلیٰ سطحی اجلاس سے خطاب کرتے ہوئے کیا۔انہوں نے کہا کہ 27 اکتوبر 1947ء کو بھارتی سامراج نے سرزمین جموں و کشمیر پر فوجیں اُتار کر ناجائز قبضہ جمایا اور ایک امن پسند قوم کا بنیادی حق غصب کرکے اسے جبری غلامی میں مبتلا کردیا۔سید صلاح الدین نے کہا کہ تاریخ گواہ ہے کہ بھارت کے غاصبانہ قبضے کے نتیجے میں آج تک 5 لاکھ سے زائد کشمیری شہید ہوچکے ہیں، لاکھوں لوگ زخمی، ہزاروں خواتین بیوہ اور لاکھوں بچے یتیم ہوچکے ہیں اور ہزاروں عفت مآب خواتین کی عصمت کو داغدار بنانے کی کوشش کی گئی اور یہ خونین اور افسوسناک سرکاری دہشت گردی کا کھیل  ہنوز نہ صرف  جاری ہے بلکہ 5اگست 2019ء سے اس میں مذید شدت آئی ہوئی ہے۔اب منصوبہ بند طریقے سے اسرائیلی طرز پر باہر سے شدت پسند ہندوں کو یہاں بسانے کی کوشش کی جارہی ہے۔ریاست کے مسلم تشخص کو ختم کرکے،اکثریت کو اقلیت میں تبدیل کرنے کے اقدامات کئے جارہے ہیں۔ جہاد کو نسل کے سربراہ نے کہا کہ افسوس اس بات کا ہے کہ اس سب کے باوجود عالمی قوتیں خاموش ہیں۔سید صلاح الدین نے پاکستانی ارباب اختیار سے اپیل کی ہے کہ وہ بحیثت ایک مسلمہ فریق کشمیری عوام کی مدد صرف سفارتی اور سیاسی حد تک محدود نہ رکھیں۔اگر معاملات صرف سیاست اور سفارت تک محدود رہے تو کشمیر کے حوالے سے ایک انسانی المیہ جنم لے سکتا ہے،جس کے نتائج  ہر حوالے سے انتہائی سنگین ہونگے۔جہاد کو نسل کے چیرمین نے ہفتہ رفتہ کے شہداء کو بھی زبردست خراج عقیدت ادا کیا اور اس یقین کا اظہار کیا کہ شہداء کے مقدس لہو کے صدقے کشمیر کی آزادی نو شتہ دیوار پر لکھی ہوئی ہے۔ان شا ء اللہ دیر سویر اس سورج کو ضرور طلوع ہونا ہے۔                                                                            
                                                                                                    سید صداقت حسین                                                                                                  ترجمان متحدہ جہاد کونسل     Attachments area

Recommended For You

About the Author: admin